2009年4月14日 星期二

09年恆指大反彈將於四月中至五月初見頂

《信報》14/4/2009張公道:
移動平均線方面,恒指繼續守穩於10天、20天、50天及100天線之上,股民宜以10天線為第一度警戒線,而50天線為減磅或離市的訊號,繼續持貨。似乎今次恒指由11344點開始的反彈,將直升到頂,然後才展開大震盪,股民宜小心。 若然如此,則反彈浪頂勢必於未來三周出現。
《蘋果》9/4/2009羅家聰:
要買可候道指回至7500點、恒指回至13500點、歐元回至1.30、澳元回至0.68左右入市。不過,上方阻力已近,上升空間不多;更好的策略是候下一升浪近頂時順勢而沽,屆時應近5月,正好與sell in May and walk away之說不謀而合。......股市永遠會在你不信它跌時大跌。目前氣氛仍然不錯,不妨準備一下。
信報4月6日曹仁超:
股市由3月9日又回升,呢次表現最出色股市係內地A股,成為「領先」股市及帶動本港大部分國企紅籌股上升。請留意A股,如果A股止升回跌,代表港股反彈快完成。

熊市有三至六個底

《信報》曹仁超14/4/2009:
全球經濟政府挽救下,只由「Bad」轉為「Less bad」,但並冇好轉。
  去年11月份次港股反彈以二線股為主,今年3月9日呢次反彈以金融、商品股為主,相信係另一次「go-round」(轉)。美國VIX由去年10月89.55,回落到依家較合理水平如40,即人們已冇去年10月時咁恐慌。
  根據1973至75年經驗,我老曹1974年7月入市後先發現,反彈完成後跌幅更大。熊市二期特點係耐唔耐便產生令人樂觀感覺,相信呢次亦唔例外。過去十八個月唔少利淡新聞已出,令恒指去年10月27日見10676點,唔少港股亦呢段日子見底,只有受美國拖累控(005)才在今年3月9日才見底,當天恒指見11344點,相信乃熊市二期中第二個底;通常熊市二期有三至六個底。分析家估計,去年美股純利下降20%,今年再下降30%,2010年純利才止跌回升。理論上,牛市要到2010年才會出現(因屆時企業純利才止跌回升)。紐約大學魯賓尼(Nouriel Roubini)話,從宏觀經濟角度睇,3月9日開始上升只係熊市反彈,標普五百指數去年9月至今年3月形成下降楔形,理論上呢次反彈市最高可重見2009年1月高位才完成。1929至1932年超級大熊市中有六次反彈;反彈市最小升幅21%、最大升幅48%。由2007年10月開始熊市,反彈次數相信亦唔少。
  有關熊市係咪已去年10月(美股則係今年3月)結束?近日爭拗十分激烈。現實世界係美國失業率8.5%,為1983年以來最高;由2007年10月至今已有三十家商業銀行倒閉;超過15%美國人生活貧窮線之下。另有三百七十萬美國人只獲part time工作而不被列入失業,不然美國失業率已達15.6%(去年3月如把兼職亦列入失業,失業率只有9.3%)。1990年後日本經濟從未脫離衰退,擔心相同情況亦美國出現,因此牛市難以上述情況下誕生。我老曹認為後市仍將窄幅上落。請好好享受呢次反彈市,唔好太早相信牛市重臨。著名分析員Rick Ackerman認為,「No capitulation, no bottom」。你信唔信投資者虧損50萬億美元後,熊市咁快便完成?!
美失業情況急劇惡化
  白宮經濟顧問Lawrence Summers上周四華盛頓經濟會上發言:3月份失業率8.5%,為1983年11月以來最高。展望未來十二個月仍將進一步惡化,估計今年下半年情況較上半年差,明年情況亦唔見得可以好轉。去年12月起美國經濟迅速滑落,至今已失去四百四十萬個職位,估計未來仍有一千三百二十萬個職位消失。呢次衰退情況有可能較1974年更嚴重【圖】,平均每個月失去六十五萬個職位,或今年年內可失去七百八十萬個職位。從客觀因素睇,牛市唔可能咁情況下誕生,即熊市仍有一大段日子要走,3月9日只出現熊市二期第二次反彈。今時今日投資策略:當人人恐懼時入貨,當人人樂觀時出貨。未來日子只係冇咁壞(Less bad)而非轉好(Good)。上周四道指升250點或3.14%,即3月9日至今道指已升25%,呢次反彈市帶來回報率已不俗,擔心投資者本周開始又再唱歌同跳舞。散戶有時都幾無知也。
  研究指出,大部分投資者(甚至超級富豪)損失金錢理由係佢地忘記早已訂下的守則(包括我老曹在內),理由係受客觀環境影響。請不要被眼前的好景蒙蔽自己長線睇法,唔好太早便忘記3月9日前恐懼感。危機發生時往往太快,但復元卻極慢。如你忽然之間忽視大方向而將自己辛苦賺返來的錢拿去博,無人可阻止你。須知道政府一切財政及金融政策,只影響美國GDP四分一,其餘四分三仍由美國私人消費決定。上周四富國銀行業績良好的消息,可支股市上升幾耐?金融海嘯有如雙刃劍,令大部分投資者2007至08年跌市中損失慘重,往往令人從夢中醒;亦造就去年11月起熊市二期反彈,每次又可帶來可觀利潤。今年3月9日呢次亦唔例外。