中信泰富最先看好的是曾淵滄，此公評股甚準，能從87股災輸掉全部身家50萬港元，至今天賺夠上岸打風流工，不簡單。此股去年勁蝕，今年增長基數低，必勁賺；且北京已接管，毒瘤管理層已掃地出門，資產業務俱在，業務重上軌道可期，宜乎逢低吸納。
至於匯源，市場先生曾在高位購入，當時港股正從三萬幾跌落來，此先生忽然興起建立食品飲品股組合的念頭，27個幾買蒙牛，十一個幾(?)買匯源，後來事情點，大家心照。蒙牛唔洗講，低位反彈一倍都不過係十二三蚊，匯源好運少少，一浪低於一浪之際忽然殺出個可口可樂，俾市場先生可以套現。不如大家睇睇有無人出來收購蒙牛救救市場先生。大牛市時，此先生個組合幾好睇，雷曼一爆，佢仲照夠月供股票係咁買，後果係點大家又心照。正如紅猴評價東尼所言，「落難英雄，落難偶像」。都係陸東好野，成唔成功最緊要睇熊市仲有幾多子彈，陸東，你好野！(佢本《智者傲行》，好睇，夠囂張！)
