投資十大守則

曹仁超:09年5月25日
以下十種有效工具，有助初學趨勢投資法讀者：　　
一、每次升市領袖股都唔同。例如1998至2000年科網股，2003至2007年係國企股。如抱住過氣領袖股不放，處境有如2009年5月電盈（008）小股東。

　　二、創五十二周新高價股份，通常可進一步睇好。

　　三、10天線同50天線係有用trading工具。如10天線重返50天線之上，即短期內股價仍上升；反之如10天線跌穿50天線，都係小心D好。

　　四、二線股份出現連續強勢數星期但指數卻唔上升，小心調整市好快出現。

　　五、公布業績後股價如上升10％（或以上），代表跌市方向改變；如公布業績後股價急跌20％（或以上），亦代表上升方向已改變。

　　六、一隻股份大升後出現窄幅牛皮（例如10％內），代表另一次較大升幅將再出現。

　　七、拆細通常代表股價快見頂，合併代表股價快見底。拆細代表企業大股東欲出貨，合併代表企業大股東欲收集。

　　八、大企業股價惡劣環境下可迅速回落。最愚蠢投資係惡劣環境下買大企業股份〔最近例子例如2008年買控（005）〕。

　　九、股價走在消息之前三到六個月。唔好聽消息去決定買賣，請追隨趨勢而非走勢。利用timing買賣投資項目，而非評估該股「價值」係多少。

　　十、牛市中每次跌穿250天移動平均線乃入貨訊號；熊市中每次升穿250天移動平均線係出貨訊號。